Belə ki, Baş prokuror Zakir Qaralov aprelin 30-da Milli Məclisə Cinayət Məcəlləsinin 147 və 148-ci maddələrinə dəyişiklik edilməsi barədə layihə təqdim edib. Bu barədə “Femida.az” saytına Milli Məclisin Hüquq Siyasəti və Dövlət Quruculuğu Komitəsinin sədri Əli Hüseynli məlumat verib. Dəyişiklik layihəsi böhtana və təhqirə görə məcəllədə nəzərdə tutulmuş iki yüz qırx saat ictimai işlər cəzasını dörd yüz səksən saatadək artırmağı və məcəllənin 147 və 148-ci maddələrinin internet üzərindən yayılan məzmuna da şamil olunmasını nəzərdə tutur.