Yanvarın 18-də bir qrup şəxs “Gündəlik Bakı” qəzetinin redaksiyasında qəzetin əməkdaşlarına hədə-qorxu gəliblər. Bu barədə Reportyorların Azadlıq və Təhlükəsizlik İnstitutuna (RATİ) qəzetin baş redaktoru Habil Vəliyev məlumat verib.
Onun sözlərinə görə redaksiyaya hücum edənlər Bakı Dövlət İqtisadiyyat və Humanitar Kollecinin direktoru Bilman Vəliyevin göstərişi ilə kollecin 20 müəllimi olub. “Hücuma səbəb isə həmin kollecin müəlliməsinin bizim redaksiyamıza göndərdiyi məktub əsasında qəzetimizdə gedən yazılar olub. Onlar qəzetimizin əməkdaşlarına hədə-qorxu gələrək, onların kolleci haqqında gedən yazıların dayandırılmasını və qəzetdə təkzib verilməsini tələb ediblər. Mən onları qəbul etdim ki, problemi sakit həll edək, amma onların heç də sakitləşmək fikrində olmadığını görəndə polisə müraciət etdim. Yasamal rayon 27-ci polis bölməsinin əməkdaşları gələndən sonra qəzetin fəaliyyəti bərpa olundu” – deyən H.Vəliyev bildirdi ki, onların gəlişi ilə əlaqədar redaksiya fəaliyyətini 1 saatdan artıq dayandırıb.
Məsələ ilə bağlı Bakı Dövlət İqtisadiyyat və Humanitar Kollecinə dəfələrlə zəng etsək də, suallarımıza cavab verə biləcək səlahiyyətli şəxslə danışmaq mümkün olmadı.
Məsələ ilə bağlı Bakı Dövlət İqtisadiyyat və Humanitar Kollecinə dəfələrlə zəng etsək də, suallarımıza cavab verə biləcək səlahiyyətli şəxslə danışmaq mümkün olmadı.