Bu gün (17 aprel) Yasamal Rayon Məhkəməsində hakim Tahir İsmayılovun sədrliyi ilə "Korrupsiya və Cəmiyyət" jurnalının baş redaktor müavini Mübariz Məsimoğluna və vətəndaş Şakir Abbasova qarşı, Yasamal Rayon Polis İdarəsinin (RPİ) istintaq şöbəsində Cinayət Məcəlləsinin (CM) 221.2 (xuliqanlıq) maddəsi ilə açılmış cinayət işinə əsasən məhkəmə prosesi keçirilib.
Prosesdə təqsirləndirilənlər Şakir Abbasov, Mübariz Məsimoğlu və onun vəkili Hidayət Rüstəmbəyli iştirak edirdi.
Məhkəmə prosesində Mübariz Məsimoğlunun vəsatəti əsasında ekspert Samir Mehdiyev ifadə verdi və ilkin istintaqda dediklərini yenidən təsdiqlədi.
Budan sonra prosesdə marşrut avtobusunda olan Abbas Abdula və "Azərbaycan" radiosunun xəbərlər departamentinin baş redaktoru Hüriyyət Məmmədov şahid qismində dindiriliblər. Onlar avtobusda münaqişə olmadığını bildirdilər.
Budan sonra prosesdə marşrut avtobusunda olan Abbas Abdula və "Azərbaycan" radiosunun xəbərlər departamentinin baş redaktoru Hüriyyət Məmmədov şahid qismində dindiriliblər. Onlar avtobusda münaqişə olmadığını bildirdilər.
Daha sonra M. Məsimoğlu şifahi vəsatət qaldıraraq, istintaq zamanı onu müdafiə etmək məqsədi ilə kimin tərəfindən tutulması məlum olunmayan vəkillər Tofiq Aslanov və Ramiz Mirzəyevin və Yasamal Rayon Polis İdarəsinin istintaq müstəntiqi Anar Məmmədovun məhkəməyə çağırılaraq dindirilməsini istəyib. Hakim Tahir İsmayılov isə vəsatətin ona yazılı şəkildə təqdim edilməsini bildirdi və növbəti məhkəmə prosesini 28 aprel saat 14:00- a təyin etdi.
Xatırladaq ki, 2008-ci ilin avqust ayında 218 saylı marşrut avtobusda "Korrupsiya və Cəmiyyət" jurnalının baş redaktorunun müavini Mübariz Məsimoğlu ilə M. Əsədova və E. Carçıyev arasında mübahisə yaranıb və insidentlə bağlı Yasamal RPİ-nin istintaq şöbəsində M. Məsimoğluna qarşı CM-nin 221.2 (xuliqanlıq) maddəsi ilə cinayət işi qaldırılıb.