Dünən (9 noyabr) Nəsimi rayon məhkəməsində hakim İkram Şirinovun sədrliyi ilə Məryəm Məmmədova və Emil Məmmədovun “Tolışi-sədo “ qəzetinin baş redaktoru Novruzəli Məmmədovun ölümü ilə bağlı Maliyyə Nazirliyi, Ədliyyə Nazirliyinin Penitensiar Xidməti, Tibb Baş İdarəsi, 15 saylı cəzaçəkmə müəssisəsi və Penitensiar Xidmətin müalicə müəssisəsinə qarşı qaldırdığı iddia üzrə məhkəmə prosesi keçirilib.
Prosesdə iddiaçıların vəkili Ramiz Məmmədov və cavabdehlərdən – Ədliyyə Nazirliyinin Pentensiar Xidmətin nümayəndəsi Elşən Həsənov, 15 saylı cəzaçəkmə müəssisəsinin nümayəndəsi Malik Şirməmmədov və Tibb Baş İdarəsinin rəisi İftixar Qurbanov iştirak edirdilər.
İddiaçıların vəkili R. Məmmədov mərhum N. Məmmədovun adına açılan tibbi kartların təxirə salınmadan tələb edilməsi barədə vəsatət qaldırdı.
Ədliyyə Nazirliyinin Pentensiar Xidmətin nümayəndəsi Elşən Həsənov bildirdi ki, tibbi kartın verilməsi iddiada əksini tapıb və biz kartın verilməsinə etiraz etmirik.
Hakim İ.Şirinov Nizami rayon Məhkəməsinin təqdim etdiyi materialların tədqiq edilməsi üçün məhkəmə prosesini 16 noyabr saat 15:00-a təyin etdi.
Qeyd edək ki, Məryəm Məmmədova və Emil Məmmədov Nizami rayon məhkəməsinin 06 fevral 2009-cu il tarixli, 6(007)-7/09 saylı qərarı ilə cavabdehlərin üzərinə qoyulmuş, mərhum Novruzəli Xanməmməd oğlu Məmmədovun müayinə və müalicə olunması vəzifələrinin icra olunmamasını (hərəkətsizliyi) yaşamaq hüququnun pozuntusu kimi qanunsuz hesab edilməsini, həmçinin cavabdehlərin hərəkətsizliyi nəticəsində onlara dəymiş mənəvi ziyana görə 3.000.000 manat məbləğində təzminat ödənilməsini istəyirlər.
Xatırladaq ki, “Tolışi Sədo” (“Talışın Səsi”) qəzetinin baş redaktoru Novruzəli Məmmədov 17 avqust 2009-cu il tarixdə Ədliyyə Nazirliyi Penitensiar Xidmətinin Mərkəzi Xəstəxanasında vəfat edib. N.Məmmədov 2007-ci ildə qapalı keçirilən məhkəmədə Azərbaycan Respublikası Cinayət Məcəlləsinin 274-cü (“Dövlətə Xəyanət”) maddəsi ilə 10 il müddətinə azadlıqdan məhrum edilsə də, milliyyətcə talış olan N.Məmmədov özünü təqsirli bilməyərək, etnik-siyasi motivlərlə və ifadə azadlığına görə həbs olunduğunu iddia edirdi.
İddiaçıların vəkili R. Məmmədov mərhum N. Məmmədovun adına açılan tibbi kartların təxirə salınmadan tələb edilməsi barədə vəsatət qaldırdı.
Ədliyyə Nazirliyinin Pentensiar Xidmətin nümayəndəsi Elşən Həsənov bildirdi ki, tibbi kartın verilməsi iddiada əksini tapıb və biz kartın verilməsinə etiraz etmirik.
Hakim İ.Şirinov Nizami rayon Məhkəməsinin təqdim etdiyi materialların tədqiq edilməsi üçün məhkəmə prosesini 16 noyabr saat 15:00-a təyin etdi.
Qeyd edək ki, Məryəm Məmmədova və Emil Məmmədov Nizami rayon məhkəməsinin 06 fevral 2009-cu il tarixli, 6(007)-7/09 saylı qərarı ilə cavabdehlərin üzərinə qoyulmuş, mərhum Novruzəli Xanməmməd oğlu Məmmədovun müayinə və müalicə olunması vəzifələrinin icra olunmamasını (hərəkətsizliyi) yaşamaq hüququnun pozuntusu kimi qanunsuz hesab edilməsini, həmçinin cavabdehlərin hərəkətsizliyi nəticəsində onlara dəymiş mənəvi ziyana görə 3.000.000 manat məbləğində təzminat ödənilməsini istəyirlər.
Xatırladaq ki, “Tolışi Sədo” (“Talışın Səsi”) qəzetinin baş redaktoru Novruzəli Məmmədov 17 avqust 2009-cu il tarixdə Ədliyyə Nazirliyi Penitensiar Xidmətinin Mərkəzi Xəstəxanasında vəfat edib. N.Məmmədov 2007-ci ildə qapalı keçirilən məhkəmədə Azərbaycan Respublikası Cinayət Məcəlləsinin 274-cü (“Dövlətə Xəyanət”) maddəsi ilə 10 il müddətinə azadlıqdan məhrum edilsə də, milliyyətcə talış olan N.Məmmədov özünü təqsirli bilməyərək, etnik-siyasi motivlərlə və ifadə azadlığına görə həbs olunduğunu iddia edirdi.