Bu gün (5 avqust) Nərimanov rayon Məhkəməsində hakim Arif İsmayılovun sədrliyi ilə hüquq müdafiəçisi, İşgəncələrə Qarşı Azərbaycan Komitəsinin rəhbəri Elçin Behbudovun “Millətim” qəzetinin baş redaktoru Fərəməz Novruzoğluna qarşı mülki qaydada iddiasına əsasən məhkəmə prosesi keçirildi.
Prosesdə 14 saylı cəzaçəkmə müəssisəsinin rəisi Ərşad Həsənovun yazılı izahatı iddiaçı tərəfindən hakimə təqdim olundu. Daha sonra 1 saylı cəzaçəkmə müəssisəsində tərbiyəvi işlər üzrə rəis müavini Elxan Bəylərov şahid qismində dindirildi.
İddiaçının vəkili Səməd Əliyevin iddiaya səbəb olmuş müsahibələrdən birinin müəllifi Aytən Şirin adlı müxbirin məhkəməyə dəvət olunması ilə bağlı vəsatəti qəbul olundu.
Qeyd edək ki, F.Novruzoğlunun Qobustan Qapalı Həbsxanasının məhbusu Eldar Cabbarovun şahid qismində dindirilməsi ilə bağlı ötən məhkəmə iclasında verdiyi vəsatət qəbul olunmuşdu. Hakim cavabdehə bildirdi ki, məhbusun məhkəməyə gətirilməsində problemlər olduğu üçün ona ünvanlanacaq suallar yazılı şəkildə təqdim olunsun.
Növbəti proses 17 avqust saat 17.00-a təyin olundu.
Xatırladaq ki, hüquq müdafiəçisi Elçin Behbudov həbsxanalarda baş verən cinayət halları və bu halların hüquq müdafiəçiləri tərəfindən gizlədilməsi faktları barədə “Millətim” qəzetinin baş redaktoru F. Novruzoğlunun müəllifi olduğu yazılara görə məhkəməyə müraciət edib və baş redaktorun təkzib verərək üzr istəməsini, həmçinin 100.000 (yüz min) manat təzminat ödəməsini istəyir.
İddiaçının vəkili Səməd Əliyevin iddiaya səbəb olmuş müsahibələrdən birinin müəllifi Aytən Şirin adlı müxbirin məhkəməyə dəvət olunması ilə bağlı vəsatəti qəbul olundu.
Qeyd edək ki, F.Novruzoğlunun Qobustan Qapalı Həbsxanasının məhbusu Eldar Cabbarovun şahid qismində dindirilməsi ilə bağlı ötən məhkəmə iclasında verdiyi vəsatət qəbul olunmuşdu. Hakim cavabdehə bildirdi ki, məhbusun məhkəməyə gətirilməsində problemlər olduğu üçün ona ünvanlanacaq suallar yazılı şəkildə təqdim olunsun.
Növbəti proses 17 avqust saat 17.00-a təyin olundu.
Xatırladaq ki, hüquq müdafiəçisi Elçin Behbudov həbsxanalarda baş verən cinayət halları və bu halların hüquq müdafiəçiləri tərəfindən gizlədilməsi faktları barədə “Millətim” qəzetinin baş redaktoru F. Novruzoğlunun müəllifi olduğu yazılara görə məhkəməyə müraciət edib və baş redaktorun təkzib verərək üzr istəməsini, həmçinin 100.000 (yüz min) manat təzminat ödəməsini istəyir.