Bu gün (23 fevral) 1 saylı Bakı İqtisad Məhkəməsində hakim Tahirə Əsədovanın sədrliyi ilə “Gündəlik Bakı” qəzetinin Mətbuat Şurasının (MŞ) sədri Əflatun Amaşova qarşı iddiasına əsasən məhkəmə prosesi keçirildi.
Vəkil Z. İbadov ötən məhkəmə iclasında MŞ nin nizamnaməsinin və “Gündəlik Bakı” qəzetinin “reket” adlandırılmasına əsaslanan təlimatların surətlərinin məhkəməyə təqdim olunması ilə bağlı xahişlərini xatırladaraq, bu sənədin hələ də təqdim olunmadığını vurğuladı.
Cavabdehin nümayəndəsi Ş.Əliyev bildirdi ki, MŞ nizamnaməsinə xas olan tələbləri yerinə yetirib və o, iddianın rədd edilməsini istədi.
Hakim T. Əsədova növbəti prosesi 10 mart saat 11:00-a təyin etdi.
Xatırladaq ki, 2009-cu ilin dekabrın 30-da Mətbuat Şurası “Gündəlik Bakı” qəzetinin “reket”lər siyahısına salınması barədə qərar çıxarıb. Qəzet rəhbərliyi qərarla bağlı təkzib verilməsi və 100.000 (yüz min) manat, maddi ziyana görə isə 50 min manat cərimə ödəməsi ilə bağlı iddia qaldırıblar.