Sentyabrın 16-da Yasamal Rayon Məhkəməsində hakim Xəqani Tağıyevin sədrliyi ilə ilə Göyçay rayon Polis Şöbəsinin sabiq rəisi Vüqar Məmmədyarov, Göyçay rayon Polis Şöbəsinin inzibati təqiblər üzrə baş inspektoru Bəxtiyar Həşimov
Prosesdə xüsusi ittahmçıların nümayəndəsi Əlirza Əbilov iştirak etmədiyindən hakim prosesi təxirə saldı.
Vidadi İsgəndərov hakimdən xahiş etdi ki, proses uzanmasın və xüsusi ittihamçının nümayəndəsinin məhkəmə iclasında iştirakı təmin edilsin.
Daha sonra hakim növbəti prosesi 23 sentyabr saat 15:00-a təyin etdi və bildirdi ki, gələn dəfə xüsusi ittihamçıların nümayəndəsi prosesə gəlməsə də qərar veriləcək.
Qeyd edək ki, Vüqar Məmmədyarov iyun ayının əvvəlində Göyçay rayon Polis Şöbəsinin rəisi vəzifəsindən azad edilib və Dövlət Yol Polisinin Şirvan şəhər qeydiyyat imtahan şöbəsinin rəisi təyin olunub.
Xatırladaq ki, iddiaçılar “Azadlıq” qəzetinin 2 aprel tarixli sayında “Polis məndən 3 min manat rüşvət alıb” adlı yazıda V.İsgəndərovun ona böhtan atdığını hesab edərək, Cinayət Məcəlləsinin 147.2 (ağır və ya xüsusilə ağır cinayətdə ittiham etməklə böhtan atma) maddəsi ilə xüsusi ittiham qaydasında iddia qaldıraraq, cinayət məsuliyyətinə cəlb olunmasını istəyiblər.