Bu gün (01 iyun) Bakı Apellasiya Məhkəməsində hakim Tofiq Səmədovun sədrliyi “Yeni Müsavat” qəzetinin müxbiri Əfqan Muxtarlının apellyasiya şikayətinə əsasən məhkəmə prosesi keçirilməli idi. Qarşı tərəf – İradə Səlimova (Məmmədova) məhkəmə prosesi barədə bildiriş almaması səbəbi ilə iştirak etmədiyinə görə, hakim prosesi 16 iyul saat 10-a təxirə saldı.
Xatırladaq ki, vətəndaş İradə Səlimova “Yeni Müsavat” qəzetində Əfqan Muxtarlının imzası ilə gedən məqalədə şərəf və ləyaqətinin təhqir olunduğunu hesab edərək, Yasamal rayon məhkəməsində iddia qaldırmış və məhkəmə Əfqan Muxtarlının 250 manat kompensasiya ödəməsi və qəzetdə təkzib verməsi barədə qətnamə çıxarıb. Əfqan Muxtarlı isə sözügedən qərardan apelyasiya şikayəti verib.