MƏHKƏMƏ PROSESİ TƏXİRƏ SALINIB

mart 14th, 2008
Bu gün Nəsimi Rayon Məhkəməsinin hakimi Məmməd Məmmədovun sədrliyi ilə ANS-in "Azadlıq fədailəri" qəzetinə qarşı qaldırdığı iddia əsasında keçirilməli olan məhkəmə iclası təxirə salınıb.

Prosesin təxirə salınmasına səbəb cavabdeh tərəfin məhkəmədə iştirak etməməyi olub.  Növbəti məhkəmə iclası  martın 29-a  təyin edilib.
Xatırladaq ki, "Ans press" Nəşriyyat Evi   "Azadlıq fədailəri" qəzetini və qəzetin Allahverdi Nəbi adlı   əməkdaşını qəzetin 28.11 – 01. 12- 2007-ci il tarixli sayında dərc edilmiş yazıya görə məhkəməyə verib. İddiaçı qəzetdə "ANS-in pornoqrafiyası" başlıqlı və "ANS hər zaman, hər yerdədir-tərbiyəsizliyi ilə" sərlövhəli məqaləsində yazılan yazıların həqiqətə uyğun olmadığını, yalan, alçaldıcı və təhqiredici məlumatlar olduğunu hesab edir. "Ans press" Nəşriyyat Evi məhkəmədən qəzetin  təkzib verməsi, qəzetdən 50000 (əlli min) manatın tutulması, qəzetin əməkdaşı Allahverdi Nəbidən 10000 (on min) manatın tutulması haqqında qətnamə çıxarmasını xahiş edib.