“Bizim Yol” qəzetinin əməkdaşı Ramid İbrahimov Səbail rayon Polis İdarəsinin 9-cu polis bölməsinin təhqiqatçısı Fazil Mahmudova qarşı iddia qaldıraraq, Səbail rayon Məhkəməsinə müraciət edib. Bu barədə bu gün (26 may) Reportyorların Azadlıq və Təhlükəsizlik İnstitutuna (RATİ) R. İbrahimov məlumat verib.
R. İbrahimov bildirdi ki, iş artıq icraata qəbul olunub və sabah mayın 27-də saat 16:30-da Səbail rayon məhkəməsinin hakimi Fuad Hüseynovun sədrliyi ilə məhkəmənin hazırlıq iclası keçiriləcək.
Xatırladaq ki, “Bizim Yol” qəzetinin əməkdaşı Ramid İbrahimov fevralın 12-də Prezident Administrasiyasının qarşısında keçirilən etiraz aksiyasından reportaj hazırlayarkən mülki geyimli şəxslər tərəfindən fiziki hücuma məruz qalması ilə bağlı Səbail rayon Polis İdarəsinin 9-cu polis bölməsinə şikayət edib. Lakin bölmədə onun şikayəti araşdırılmayıb. Təhqiqatçı Fazil Mahmudovun qərarı ilə cinayət işinin başlanmasının rədd edilməsi barədə qərar çıxarıb. Jurnalist həmin qərardan şikayət verib.