Hüquq müdafiəçisi Rəsul Cəfərov isə çıxışında xüsusilə həbsdəki məhbusların hüquqlarının pozulması barədə danışdı və gələcəkdə bu sahəyə də Klubun xüsusi həssaslığla yanaşacağını qeyd etdi. Digər hüquq müdafiəçisi Səbuhi Qafarov isə bəzi siyasi məhbusların hüquqlarının daha yaxşı müdafiə edildiyini, bəzilərinin isə kölgədə qaldığını bildirərərək kimliyindən asılı olmayaraq haqqı və hüququ pozulan hər kəsin Klub tərəfindən müdafiəsinin təşkil ediləcəyini bildirdi. Jurnalist və hüquq müdafiəçisi İdrak Abbasov çıxışında hüquq müdafiəsi sahəsində səylərin birləşdirilməsinin vacibliyindən və Klubun bu istiqamətdə fəaliyyət göstərmək istəyən hər kəsin üzünə açıq olduğunu dedi.
Habelə tədbirə qatılan digər hüquq müdafiəçiləri – Həkimeldostu Mehdiyev, Elman Abbasov, Hilal Məmmədov, Pərvanə Persiani belə bir klubun yaranmağının əhəmiyyətli olmağından danışdılar.
Hüquq müdafiəçisi Emin Hüseynov isə çıxışında dünyanın bir sıra ölkələrində analoji Klubların fəaliyyət göstərdiyini və bu praktikanın insan hüquqları sahəsində iş aparmaqda effektiv olduğunu dedi. Habelə o, Klubun cari ilin sonuna qədər ölkədə insan haqlarının durumu barədə ilkin hesabatla çıxış edəcəyini, ümumiyyətlə isə Klub ayda bir dəfə hesabat hazırlayaraq yerli və dünya ictimaiyyətinin diqqətinə çatdıracağını söylədi.
Fotolar: http://www.irfs.az/component/option,com_datsogallery/Itemid,30/func,viewcategory/catid,688/lang,az/