HÜQUQ MÜDAFİƏÇİLƏRİ AVROPA ŞURASI NÜMAYƏNDƏLƏRİ İLƏ MEDİANIN DURUMUNU MÜZAKİRƏ EDİBLƏR

yanvar 28th, 2010
Hüquq müdafiəçiləri Novella Cəfəroğlu, Səadət Bənənyarlı, Çingiz Qənizadə və Səidə Qocamanlı Strasburqda keçirilən AŞ PA-nın qış sessiyasi çərçivəsində AŞ-nın insan hüquqları üzrə komissarı Tomas Hammerberq, AŞ PA-nın Azərbaycan üzrə həmməruzəçiləri Andres Herkel və Cozef Qrex, eləcə də “Aqo” qrupunun, Venesiya Komissiyasının və İşgəncələr Əleyhinə Komitənin rəhbərləri ilə görüşüblər.

Xəbəri “Turan” İnformasiya Agentliyinə hüquq müdafiəçisi Səidə Qocamanlı verib. Onun sözlərinə görə, görüş zamanı AŞ nümayəndələrinə 24 nəfərlik siyasi məhbus siyahısı ilə yanaşı, bloggerlər E. Milli, A. Hacızadənin həbsi və E. Fətullayevə qarşı irəli sürülən yeni cinayət barədə ətraflı məlumat veriblər. S. Qocamanlı onu da bildirib ki, AŞ-ı nümayəndələri adıçəkilən məsələlərlə bağlı narahat olduqlarını və 2010-cu ildə müntəzəm olaraq Azərbaycana səfər edəcəklərini bildiriblər.