“Hürriyyət” qəzetinin Gəncəbasar bölgəsi üzrə müxbiri İkram Rafiqoğlunun mobil telefonuna gizli nömrədən zəng edərək ona hədə-qorxu gəliblər.
Bu barədə Reportyorların Azadlıq və Təhlükəsizlik İnstitutuna İkram Rafiqoğlu özü məlumat verib. O bildirib ki, naməlum şəxslər zəng edərək onu tutduracaqları ilə hədələyərək, onlarla görüşməyi tələb ediblər. İ.Rafiqoğlu bununla bağlı Milli Təhlükəsizlik Nazirliyi (MTN) və Gəncə şəhər polis idarəsinə müraciət etdiyini də bildirib.
Xatırladaq ki, bir müddət öncə naməlum şəxlər tərəfindən İ. Rafiqoğlunun evinə basqın olmuşdu. Jurnalist bu təzyiqlərin peşə fəaliyyəti ilə bağlı olduğunu bildirir.
Xatırladaq ki, bir müddət öncə naməlum şəxlər tərəfindən İ. Rafiqoğlunun evinə basqın olmuşdu. Jurnalist bu təzyiqlərin peşə fəaliyyəti ilə bağlı olduğunu bildirir.