“İDEAL” QƏZETİNİN TƏSİSÇİSİNƏ 13 İL 3 AY HƏBS CƏZASI VERİLDİ

Bu gün (15 yanvar) Ağır Cinayətlərə Dair İşlər üzrə Məhkəmədə hakim Azər Orucovun sədrliyi ilə keçirilən prosesdə “İdeal” qəzetinin təsisçisi Nazim Quliyevə hökm oxundu. Hökmə əsasən Nazim Quliyev ona qarşı irəli sürülmüş bütün ittihamlar üzrə təqsirli bilinərək, 13 il 3 ay müddətinə azadlıqdan məhrum edildi.

Xatırladaq ki, “İdeal” qəzetinin təsisçisi N.Quliyev “Azəri-Türk” Qadınlar Birliyinin sədri Tənzilə Rüstəmxanlı və Səbirə Mahmudovanın iddiasına əsasən CM-nin 148-ci maddələri ilə təqsirli bilinərək, Nəsimi rayon məhkəməsinin 20 may 2009-cu il tarixli qərarı ilə 6 ay müddətinə azadlıqdan məhrum edilmişdi. Sonradan isə bir neçə şəxsin müraciətinə əsasən, ona qarşı Baş Prokurorluğun Korrupsiyaya Qarşı Mübarizə İdarəsi tərəfindən Cinayət Məcəlləsinin 182.2.2-ci (hədə-qorxu ilə tələb etmə), 182.2.3-cü (hədə-qorxu ilə tələb etmə zor tətbiq etmə ilə törədildikdə), 182.3.2-ci (külli miqdarda əmlak əldə etmək məqsədi ilə törədildikdə), 221.1-ci (xuliqanlıq), 234.1-ci (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddələri ilə ittiham irəli sürülmüşdü.
Qeyd edək ki, N.Quliyevin həbsindən sonra “İdeal” qəzeti nəşrini dayandırıb. 1998-ci ilin noyabr ayından fəaliyyət göstərən “İdeal” qəzetinin nəşrində dəfələrlə fasilələr olub. Bu fasilələr əsasən təsisçi Nazim Quliyevin həbsləri ilə bağlı olub.

Previous Post

VƏTƏNDAŞ CƏMİYYƏTİNİN MÜDAFİƏ KOMİTƏSİ FƏALİYYƏTİNİ BƏRPA ETDİ

Next Post

İCTİMAİ KOMİTƏNİN YENİ TƏRKİBİ MƏLUM OLUB

Leave a Reply

Your email address will not be published.

Start typing to see posts you are looking for.