24 aprel tarixində həbs olunmuş “İdeal” qəzetinin təsisçisi Nazim Quliyev istintaq təcridxanasına köçürülüb.
Bu barədə Reportyorların Azadlıq və Təhlükəsizlik İnstitutuna (RATİ) məlumat verən vəkil Elbrus Sarıvəlli bildirdi ki, həbs olunduğu gündən Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsində saxlanılan N.Quliyev aprelin 29-da Bayılda yerləşən 1 saylı istintaq təcridxanasında köçürülüb. Baş redaktorla bu gün (01 may) görüşdüyünü deyən vəkil vurğuladı ki, N.Quliyevin saxlanma şəraiti normaldır.
Vəkil onu da bildirdi ki, 08 may 2009-cu il tarixdə saat 10.00-da Nəsimi rayon məhkəməsində hakim Elman Əhmədovun sədrliyi ilə “İdeal” qəzetinin təsisçisinə qarşı Cinayət Məcəlləsinin 147 və 148-ci maddələri ilə qaldırılmış xüsusi ittiham qaydasında iddiaya əsasən məhkəmə prosesi keçiriləcək. N.Quliyevə qarşı Baş prokuror yanında Korrupsiyaya qarşı Mübarizə İdarəsi tərəfindən CM-nin 182-ci (hədə-qorxu ilə tələb etmə) və 311-ci (rüşvət alma) maddələri ilə də irəli sürülmüş ittiham üzrə isə hələ də araşdırma gedir.
Xatırladaq ki, “Azəri-Türk” Qadınlar Birliyinin sədri Tənzilə Rüstəmxanlı və Səbirə Mahmudovanın Nazim Quliyevə qarşı Cinayət Məcəlləsinin 147.2 (ağır və ya xüsusilə ağır cinayətdə ittiham etməklə böhtan atma) və 148-ci (təhqir) maddələri ilə xüsusi ittiham qaydasında qaldırdığı iddiaya əsasən, 2008-ci il noyabrında Nəsimi rayon məhkəməsinin hakimi Elman Əhmədov N. Quliyev haqqında həbs-qətimkan tədbirinin seçilməsi barədə qərar çıxarıb və məhkəməyə gəlmədiyinə görə barəsində axtarış elan olunmuşdu.
Vəkil onu da bildirdi ki, 08 may 2009-cu il tarixdə saat 10.00-da Nəsimi rayon məhkəməsində hakim Elman Əhmədovun sədrliyi ilə “İdeal” qəzetinin təsisçisinə qarşı Cinayət Məcəlləsinin 147 və 148-ci maddələri ilə qaldırılmış xüsusi ittiham qaydasında iddiaya əsasən məhkəmə prosesi keçiriləcək. N.Quliyevə qarşı Baş prokuror yanında Korrupsiyaya qarşı Mübarizə İdarəsi tərəfindən CM-nin 182-ci (hədə-qorxu ilə tələb etmə) və 311-ci (rüşvət alma) maddələri ilə də irəli sürülmüş ittiham üzrə isə hələ də araşdırma gedir.
Xatırladaq ki, “Azəri-Türk” Qadınlar Birliyinin sədri Tənzilə Rüstəmxanlı və Səbirə Mahmudovanın Nazim Quliyevə qarşı Cinayət Məcəlləsinin 147.2 (ağır və ya xüsusilə ağır cinayətdə ittiham etməklə böhtan atma) və 148-ci (təhqir) maddələri ilə xüsusi ittiham qaydasında qaldırdığı iddiaya əsasən, 2008-ci il noyabrında Nəsimi rayon məhkəməsinin hakimi Elman Əhmədov N. Quliyev haqqında həbs-qətimkan tədbirinin seçilməsi barədə qərar çıxarıb və məhkəməyə gəlmədiyinə görə barəsində axtarış elan olunmuşdu.