2009-cu il yanvar ayının 1-dən Azərbaycanda “İdman Azərbaycan” telekanalı fəaliyyətə başladı.
Azərbaycan televiziyası Qapalı Səhmdar Cəmiyyətinin mətbuat xidmətinin rəhbəri Xatirə Qasımovanın RATİ-yə verdiyi məlumatına görə, telekanal sınaq yayımlarını yanvarın 1-dən 22-dək sutka ərzində 3 saat olmaqla davam etdirəcək. Sonra verilişlərin yayımlanması müddəti 11 saata, daha sonra isə 12-15 saata çatdırılacaq. Onun sözlərinə görə, hələlik Bakı şəhərində yayımlanan telekanalın sınaq müddəti uğurla bitdikdən sonra, telekanalın verilişləri bütün ölkə ərazisində yayımlanacaq, habelə peyk vasitəsilə bu telekanalı xarici ölkələrdə də izləmək mümkün olacaq.
X. Qasımova onu da qeyd etdi ki, telekanal beynəlxalq yarışları Azərbaycan dilində yayımlanmaqla yanaşı futbol, voleybol, güləş, cüdo, yüngül atletika və digər idman növləri üzrə yerli və beynəlxalq yarışlar, idmanla bağlı sənədli filmləri də yayımlanacaq.
Xatırladırıq ki, İdman kanalının açılması ilə bağlı Milli Televiziya və Radio Şurasının elan etdiyi müsabiqənin nəticəsi 2008-ci il iyulun 18-də elan edilib. Müsabiqənin nəticələrinə görə, Azərbaycan Televiziya və Radio Verilişləri Qapalı Səhmdar Cəmiyyəti müsabiqənin qalibi elan edilib.
X. Qasımova onu da qeyd etdi ki, telekanal beynəlxalq yarışları Azərbaycan dilində yayımlanmaqla yanaşı futbol, voleybol, güləş, cüdo, yüngül atletika və digər idman növləri üzrə yerli və beynəlxalq yarışlar, idmanla bağlı sənədli filmləri də yayımlanacaq.
Xatırladırıq ki, İdman kanalının açılması ilə bağlı Milli Televiziya və Radio Şurasının elan etdiyi müsabiqənin nəticəsi 2008-ci il iyulun 18-də elan edilib. Müsabiqənin nəticələrinə görə, Azərbaycan Televiziya və Radio Verilişləri Qapalı Səhmdar Cəmiyyəti müsabiqənin qalibi elan edilib.