Habelə hazırda müxtəlif saxta ittihamlara (narkotik maddə, qanunsuz silah gəzdirmə və xuliqanlıq) 5 media nümayəndəsi (“Xural” qəzetinin baş redaktoru Əvəz Zeynallı, “Xural” qəzetinin bölgə müxbiri Aydın Canıyev, islamazeri.az internet saytının baş redaktoru Ramin Bayramov, İranın “Səhər ” telekanalının Azərbaycandakı müxbiri Anar Bayramlı və İranın “Səhər” telekanalının Azərbaycandakı nümayəndəliyinin sürücüsü Ramin Dadaşov ) həbsdədirlər.
RATİ qeyd edir ki, daha 4 nəfər media nümayəndəsinin naməlum ittihamla həbsə alınması Azərbaycan hakimiyyətinə baş ucalığı gətirməz və bu cür əməllər ölkənin beynəlxalq imicinə növbəti zərbəsini vurmuş olacaq.
Qeyd edək ki, Quba rayonun sabiq icra başçısı Rauf Həbibovun ilin yekunlarına dair müşavirədə səsləndirdiyi və sonra sosial şəbəkələrdə yayılan çıxışında “Qubalılar öz ailə uşaqlarını, vətənini 30-40 mata satırlar” ifadəsi rayon əhalisini hiddətləndirib və bu səbəbdən 2012-ci il mart ayının 1-də Quba rayonunda kütləvi etiraz aksiyasıkeçirilib, aksiya iştirakçıları R.Həbibovun evini yandırıblar, əhali ilə polis və daxili qoşun hissələri əsgərləri arasında qarşıdurma olub. Qarşıdurma nəticəsində icra başçısı Prezident İlham Əliyev tərəfindən istefaya göndərilib və hadisə ilə bağlı sayı açıqlanmasa da azı 10 nəfər Quba sakini də saxlanılıb.