Reportyorların Azadlıq və Təhlükəsizlik İnstitutu (RATİ) bu gün (30 aprel) Azərbaycan Dövlət Neft Akademiyasının (ADNA) qarşında gənclərin keçirdikləri etiraz aksiyasında polislər və mülki geyimli şəxslərin jurnalistlərə təzyiq göstərərək, onların peşə fəaliyyətinə mane olmasını qətiyyətlə pisləyir və bunu söz azadlığına təzyiq kimi qiymətləndirir.
Belə ki, 2009-cu il aprelin 30-da ADNA-da törədilmiş terrorun qurbanlarını yad etmək istəyən gənclərin etiraz aksiyasının qarşısını amansızcasına alan polislər və polis olduqları halda mülki geyimdə olan şəxslər jurnalistlərə peşə fəaliyyətini yerinə yetirməyə imkan verməyiblər. Həmin şəxslər bəzi jurnalistlərə qarşı fiziki zor da tətbiq ediblər.
RATİ aprelin 14-də və 26-da keçirilən aksiyalarda da jurnalistlərin eyni qaydada təzyiqə məruz qalmalarını xatırladır və bu kimi halların artmasından narahat olduğunu bildirir.
RATİ bütün bu halları hüquq pozuntusu kimi qiymətləndirir və bəyan edir ki, qanuni peşə fəaliyyətini yerinə yetirən media nümayəndələrinin hadisə yerindən reportaj hazırlamasına və video-foto çəkiliş aparmasına mane olunması jurnalistlərin sərbəst informasiya toplamaq və yaymaq hüququnun pozulmasıdır. Bu hal Azərbaycan Respublikasının Konstitusiyasının 50-ci maddəsi (məlumat azadlığı) və İnsan hüquqlarının və əsas azadlıqların müdafiəsi haqqında Avropa Konvensiyasının 10-cu (İfadə Azadlığı) maddəsi ilə ziddiyyət təşkil edir. Həmçinin jurnalistin peşə fəaliyyətinə mane olma Azərbaycanın Respublikasının Cinayət Məcəlləsinin 163-cü maddəsi (jurnalistin peşə fəaliyyətinə müdaxilə) ilə də cinayət məsuliyyəti yaradır.
RATİ Azərbaycan hakimiyyətini və hüquq-mühafizə orqanlarını beynəlxalq və yerli qanunlara hörmətlə yanaşaraq, jurnalistlərin peşə fəaliyyətini yerinə yetirməsinə şərait yaratmağa, həmçinin jurnalistlərə təzyiq göstərmiş şəxsləri cəzalandırmağa çağırır.
RATİ aprelin 14-də və 26-da keçirilən aksiyalarda da jurnalistlərin eyni qaydada təzyiqə məruz qalmalarını xatırladır və bu kimi halların artmasından narahat olduğunu bildirir.
RATİ bütün bu halları hüquq pozuntusu kimi qiymətləndirir və bəyan edir ki, qanuni peşə fəaliyyətini yerinə yetirən media nümayəndələrinin hadisə yerindən reportaj hazırlamasına və video-foto çəkiliş aparmasına mane olunması jurnalistlərin sərbəst informasiya toplamaq və yaymaq hüququnun pozulmasıdır. Bu hal Azərbaycan Respublikasının Konstitusiyasının 50-ci maddəsi (məlumat azadlığı) və İnsan hüquqlarının və əsas azadlıqların müdafiəsi haqqında Avropa Konvensiyasının 10-cu (İfadə Azadlığı) maddəsi ilə ziddiyyət təşkil edir. Həmçinin jurnalistin peşə fəaliyyətinə mane olma Azərbaycanın Respublikasının Cinayət Məcəlləsinin 163-cü maddəsi (jurnalistin peşə fəaliyyətinə müdaxilə) ilə də cinayət məsuliyyəti yaradır.
RATİ Azərbaycan hakimiyyətini və hüquq-mühafizə orqanlarını beynəlxalq və yerli qanunlara hörmətlə yanaşaraq, jurnalistlərin peşə fəaliyyətini yerinə yetirməsinə şərait yaratmağa, həmçinin jurnalistlərə təzyiq göstərmiş şəxsləri cəzalandırmağa çağırır.