NAXÇIVANDA İNTERNET KLUBLAR BAĞLANIB

mart 1st, 2008
Fevral ayının 29-dan Naxçıvan şəhərində və Muxtar Respublikanın digər şəhərlərində muxtariyyət rəhbərliyinin şifahi sərəncamı ilə internet-klubları bağlamağa başlayıblar.

Bütün klublar bağlandıqdan sonra muxtariyyətdə yalnız Rabitə və İnformasiya Texnologiyaları Nazirliyi nəzdində yeganə İnternet-mərkəz fəaliyyət göstərib. Klubların bağlanmasına səbəb kimi gənclərin zərərli saytlara baxmasını göstəriblər. Məlumatı “Azadlıq” radiosu yayıb.
Naxçıvanın Şərur rayonunda yaşayan sərbəst jurnalist Həkimeldostu Mehdiyev RATİ-nin əməkdaşı ilə söhbətində bunu təsdiqləyərək bildirib ki, “həqiqətən də şəhərin mərkəzində yerləşən internet kulubları bağlanıb”.