Bu gün (27 iyul ) Ali Məhkəmənin qarşısında vəkil Anar Qasımovdan müsahibə alan RATİ-nin əməkdaşı Novruzova Fərqanə məhkəmənin qarşısında özünü təqdim etməyən polis nəfərinin fiziki hücumuna məruz qalıb.
Belə ki, polis jurnalistin qolunu buraraq, bir əli ilə də fotoaparatın obyektivindən tutaraq, onu zorla almağa cəhd göstərib və jurnalistin peşə fəaliyyətini yerinə yetirməsinə maneçilik yaradıb. Məsələyə müdaxilə edən vəkil Anar Qasımov da polisin kobud rəftarı ilə qarşılaşıb.