Avqustun 21-də Reportyorların Azadlıq və Təhlükəsizlik İnstitutunun mühasibi Tatyana Kryuçkina iki saat yarım ərzində Baş Prokurorluğun Ağır Cinayətlərə dair İşlər üzrə İstintaq İdarəsində şahid qismində dindirilib.
Tatyana Kryuçkina bildirib ki, dindirmə tanışlıq xarakteri daşıyıb. İlkin olaraq Maliyyə Nazirliyinin eksperti və müstəntiq bir neçə sual verib, lakin əsaslı şəkildə dindirmə daha sonra olacaq.
Xatırladaq ki, yerli və beynəlxalq qeyri-hökumət təşkilatlarına qarşı 2014-cü ilin aprel ayında cinayət işi açılıb. Bu cinayət işi əsasında hüquq müdafiəçisi Rəsul Cəfərov və İntiqam Əliyev həbs edilib. RATİ-nin ofisində axtarış aparılıb, kompüter, kamera, sənədlər götürülmüş və təşkilatın qapısına möhür vurulmuşdur.