Bu gün (29 yanvar) saat 18:55-də RATİ-nin Naxçıvandakı bölgə müxbiri Elman Abbasovun mobil telefonuna zəng edərək onu hədələyiblər.
Bu barədə RATİ-yə E. Abbasov məlumat verib. O bildirib ki, açıq nömrədən zəng edən (055-257-08-07) və özünü əlil Malik Əliyev kimi təqdim edən şəxs onu və Həkimeldostu Mehdiyevi təhqir edib: "Həmin şəxs mənə dedi ki, Sizin ofisi partladacam. Siz də İsmayıl kimi şərəfsizsiniz(Bir müddət öncə təqiblərə məruz qalan İsmayıl Hüseynov nəzərdə tutulur). Sizə kim icazə verib ki, Sədərəkə gəlmisiniz"?
E. Abbasov onu da qeyd etdi ki, həmin şəxs "Azadlıq" radiosu və "Turan"ın Naxçıvan müxbiri Məlahət Nəsibovaya da zəng edərək onu hədələyib.