“Monitor” jurnalının baş redaktoru, mərhum jurnalist Elmar Hüseynova abidənin ucaldılması ilə bağlı Yasamal Rayon İcra Hakimiyyəti başçısının müavini Ş. Məmmədovun imzası ilə RATİ-yə məktub daxil olub.
“Azərbaycan Respublikasının Prezidentinə ünvanladığınız müraciətinizə cavab olaraq bildiririk ki, qaldırdığınız məsələ Yasamal Rayon İcra Hakimiyyətinin səlahiyyətləri xaricində olduğu üçün aidiyyatı üzrə Mədəniyyət və Turizm Nazirliyinə müraciət etməyiniz tövsiyə olunur”, – deyə məktubda bildirilir.
RATİ bunu əsas tutaraq, bu gün (16 may) Mədəniyyət və Turizm naziri Əbülfəz Qarayevə müraciət ünvanlayıb.