Bu gün (16 aprel) Milli Televiziya və Radio Şurasında (MTRŞ) İctimai Televiziya və Radio Yayımları Şirkətinin (İTV) baş direktoru vəzifəsinə ikinci dəfə İsmayıl Ömərov seçildi.
Bu barədə Reportyorların Azadlıq və Təhlükəsizlik İnstitutuna (RATİ) məlumat verən İTV-nin sədri Cahangir Məmmədlinin sözlərinə görə, İTV-nin baş direktor vəzifəsinə elan edilən müsabiqədə iştirak eləmək üçün İTV – nin səlahiyyət müddəti başa çatmış baş direktoru İsmayıl Ömərov, ATV-nin xəbər redaktoru Bəhruz Məhərrəmov və “İTV”-də fəaliyyət göstərən “Carçı” telefilmin direktoru Azad Məmmədov sənədlər müsabiqəyə təqdim etmişdilər.Lakin Bəhruz Məhərrəmov seçimdən 3 gün əvvəl öz namizədliyini geri götürüb. “İTV–nin baş direktoru vəzifəsinə iki namizəd içərisindən İsmayıl Ömərov Yayım Şurasının yekdil səsi ilə baş direktor vəzifəsinə seçildi” – deyə C. Məmmədov əlavə etdi.