Bu gün (06 oktyabr) ailəsi “Realniy Azerbaydjan” və “Gündəlik Azərbaycan” qəzetinin baş redaktoru Eynulla Fətullayevlə görüşüb. Bu barədə RATİ-yə baş redaktorun atası Emin Fətullayev məlumat verib.
Onun sözlərinə görə, Yaponiya jurnalistlər birliyinin sədri Kei İqhikava Prezident İlham Əliyevə məktub göndərib. Məktubda E. Fətullayevin azad olunması və ona kompensasiyanın ödənilməsi istənilib.“Eynulla Avropa Məhkəməsinə onun həbsinin əsl səbəbləri haqqında ifadə yazır. Qəzetləri yenə də ona vermirlər. Eynulla dedi ki, hüquq müdafiəçiləri onun azadlığa buraxılmasına nail ola bilmirlərsə, heç olmasa qəzetlərin əldə etməsinə kömək etsinlər”, – deyə baş redaktorun atası əlavə edib.