JURNALİST PROKURORLUĞU VƏ POLİS İDARƏSİNİ MƏHKƏMƏYƏ VERİB

dekabr 18th, 2007

“Gündəlik Azərbaycan” qəzetinin əməkdaşı Üzeyir Cəfərov RATİ-yə bildirib ki, ona qarşı edilən sui-qəsdlə bağlı heç bir araşdırma aparılmadığına görə dekabrın 14-də Yasamal Rayon Prokurorluğunu və Yasamal Rayon Polis İdarəsini məhkəməyə verib.

Cəfərov əlavə edib ki, onun hüquqlarını vəkillər Rəşid Hacılı və Elçin Sadıqov müdafiə edəcəklər. Jurnalist Avropa İnsan Haqları Konvensiyasının 3-cü (işğəncələrin qadağan olunması) və 10-cu (fikir ifadə etmək azadlığı) maddələrini əsas tutaraq, istintaq aparan orqanın hərəkətsizliyindən şikayət etdiyini bildirib. Bununla belə o məhkəmənin Yasamal Rayon Prokurorluğuna və polis işçisinə qarşı hər hansı bir qərar çıxaracağına inanmır. Üzeyir Cəfərov yerli instansiyaları keçdikdən sonra, işin mütləq Avropa İnsan haqları məhkəməsinə göndəriləcəyini də qeyd edib.