Media Hüququ İnstitutunun yaydığı məlumata görə, “Azadlıq” radiosunun Naxçıvan bölgə müxbiri İlqar Nəsibov barəsində çıxarılmış qərardan Avropa İnsan Haqları Məhkəməsinə şikayət göndərib.
Şikayətdə Avropa İnsan Haqları Konvensiyasının 6-cı (ədalətli məhkəmə araşdırması) və 10-cu (ifadə azadlığı) maddələrinin pozulduğu vurğulanır, jurnalistin çəkdiyi xərclərin və mənəvi zərərin əvəzinin ödənilməsinin təmin olunması xahiş olunur.
Xatırladaq ki, İlqar Nəsibov 6 dekabr 2007-ci il tarixdə Naxçıvan Şəhər Polis İdarəsinin rəisi Səbuhi Novruzovun iddiası əsasında Cinayət Məcəlləsinin 147. 1-ci (böhtan) maddəsi ilə üç aylıq müddətə həbs edilmişdi. Nəsibov Apellyasiya Məhkəməsinin 10 dekabr 2007-ci il tarixli qərarı ilə azadlığa buraxılmışdı.