Norveçin “Abcnyheter” intenet səhifəsində Norveçin Xarici İşlər Naziri Conas Qahr Storenin Bakıya bir neçə gün əvvəlki səfərinə həsr olunmuş məqalə dərc olunub.
”Azadlıq” radiosunun xəbərinə görə, məqalədə deyilir ki, nazirin səfərində jurnalistlərin vəziyyətinə olan münasibət Azərbaycanın hakimiyyət nümayəndələri lilə keçirilən görüşlərin qızğın müzakirə mövzusu olub.
Həmçinin nazirin Azərbaycanın Xaric İşlər Naziri Elmar Məmmədyarovla da görüşməsi və bu görüş zamanı jurnalistlərin vəziyyəti ilə bağlı problemlər müzakirə olunduğu bildirilir. Görüşün təəssüratları barədə Store bu sözləri deyib: ”Onlar iddia edirlər ki, jurnalistlər qanuni əsaslarla həbs edilib. Lakin mən kifayət qədər aydın şəkildə onlara dedim ki, Avropa Şurasında təmsil olunmaqla öz jurnalistlərini həbs etmək bir araya sığmır”.
Onun sözlərinə görə, Məmmədyarov bu məsələ ilə bağlı əlindən heç nəyin gəlmədiyini deyib: ”Nə mən, nə də sən bir şey edə bilərik. Bu qərarları məhkəmə çıxarıb, mən yox. Mənim əlimdən gələn bu vəziyyətə hörmət etməkdir”.