Müstəqil jurnalist İdrak Abbasov Lənkərandan video süjet hazırladığı ailənin qohumları tərəfindən təhdid edildiyini bildirir. Bu barədə bu gün (14 may) Reportyorların Azadlıq və Təhlükəsizlik İnstitutuna(RATİ) jurnalistin özü məlumat verib. Yanvarın 14-də Lənkəranda övladının müəllim tərəfindən döyülməsi ilə bağlı uşağın atası Şahin Ağayevin videomüsahibəsi ilə bərabər şikayətini işıqlandırmışdım. Ancaq bir müddət sonra, fevralın 6-da Şahin Ağayevi narkotik ittihamı ilə həsb etdilər. Bir neçə günə ona hökm oxunmalıdır. Dünən mənim telefonuma zəng edən şəxs Şahin Ağayevin qohumu idi. O baş verənlərdə məni günahlandırırdı. Mənə bildirdi ki, sən xalq düşmənisən, hökumətlə ciddi problemlərin var imiş, sənə görə indi bizi həbs etməklə təhdid edirlər. Onlar bu gün və ya sabah mənimlə görüşmək istədiklərini bildirdilər“,-deyə Abbasov qeyd etdi.
Jurnalist bildirdi ki, bu təhdidin arxasında hökumət dayanır və onun başına nəsə gəldiyi təqdirdə bunun məsuliyyətinin hazırkı hakimiyyətin üzərində olduğunu da sözlərinə əlavə etdi.