Jurnalist Xədicə İsmayılova sentybarın 5-i səhər saatlarından Tiflisdən Bakıya qayıdarkən Bakı hava limanında saxlanılıb. Bu barədə Reportyorların Azadlıq və Təhlükəsizlik İnstitutuna (RATİ) jurnalistin özü məlumat verib.
X. İsmayılova bildirib ki, əvvəlcə onu sərhədçilər saxlayıb, daha sonra isə gömrük əməkdaşlarına təhvil veriblər.
“Məni airportun çıxışına gətirdilər, əşyalarıma,bank kartlarıma baxış keçirdilər. Bütün əşyalarımı, bank kartlarımı, üzərimdə olan pulları alıblar. Səfərdə ayağımı əzdiyim üçün ayağım sarğıda idi və həmin sarğını da açıb yoxladılar”, deyı jurnalist bildirib.
Xədicə İsmayılova iki saata yaxın Bakı aeroportunda saxlandıqdan sonra sərbəst buraxılıb.