Müəllifi olduğu “Bir ömürlük mübarizə” kitabının məhv edilməsi barədə 2008-ci ildə Qaradağ rayon Məhkəməsinin verdiyi qərarın icrası ilə bağlı akt ala bilmədiyinə görə jurnalist Anar Mahmudoğlu (Niftəliyev) pasport ala bilmir.
Bu barədə Reportyorların Azadlıq və Təhlükəsizlik İnstitutuna (RATİ) jurnalistin özü məlumat verib. “Məni 3 ay 10 gündür ki, get-gələ salıblar. Cəmi 1 kitab əlimdə qalmışdı. Onu da məhkəmə icraçısına təqdim etmişəm. Amma mənə məhkəmə qərarının icrası barədə akt təqdim edilmir”, – deyə A.Mahmudoğlu bildirdi.
Məhkəmə icraçısı Hüseyn Veysiyev isə məsələdə jurnalisti günahkar hesab etdi. “Vətəndaş Anar Niftəliyev Milli Elmlər Akademiyasının Folklorşünaslıq İnstitutunun direktoru Hüseyn İsmayılovun “Bir ömürlük mübarizə” kitabının redaktoru olmamağına görə ondan rəsmi üzür istəniləsi barədə sənədi, kitabın məcburi və müəllifdə qalan nüsxələrini də bizə təqdim etməlidir. Bundan sonra ona akt verilə bilər”, – deyə məhkəmə icraçısı qeyd etdi.
Məhkəmə icraçısı Hüseyn Veysiyev isə məsələdə jurnalisti günahkar hesab etdi. “Vətəndaş Anar Niftəliyev Milli Elmlər Akademiyasının Folklorşünaslıq İnstitutunun direktoru Hüseyn İsmayılovun “Bir ömürlük mübarizə” kitabının redaktoru olmamağına görə ondan rəsmi üzür istəniləsi barədə sənədi, kitabın məcburi və müəllifdə qalan nüsxələrini də bizə təqdim etməlidir. Bundan sonra ona akt verilə bilər”, – deyə məhkəmə icraçısı qeyd etdi.