“Şou Akademiya” qəzetinin əməkdaşı Vüqar Kamiloğlu RATİ-nin əməkdaşı ilə söhbətində bildirib ki, müğənni Ədalət Şükürov tərəfindən hədələnməsi ilə bağlı izahatın alınması üçün onu Yasamal Rayonu 28-ci polis bölməsinə çağırıblar.
Bu gün bölmədə izahat verdiyini bildirən jurnalist əlavə edib ki, 10 gün ərzində Ədalət Şükürov da bölməyə çağırılacaq və ondan izahat alınacaq. Xatırladaq ki, Vüqar Kərimoğlu fevralın 2-də Ədalət Şükürov tərəfindən təhqir edilmiş və ölümlə hədələnmişdi. Jurnalist bununla əlaqədar hüquq-mühafizə orqanlarına müraciət etmişdi.