Bu gün (28 mart) Bakı Apellyasiya Məhkəməsində hakim Etibar Nəbiyevin sədrliyi ilə telejurnalist İlhamiyyə Rzanın “Space” Teleradio Şirkətinə qarşı iddiası üzrə məhkəmə prosesi keçirildi.
Prosesdə hər iki tərəfin çıxışı dinlənilib və onların hər biri öz mövqelərini müdafiə etdiklərini bildiriblər.
Müşavirədən qayıdan hakim Nəbiyev apellyasiya şikayətinin təmin edilməməyi ilə bağlı qərarını elan etdi.
Prosesdən sonra Nurlana Əliyeva RATİ-yə hakimin bu qərarından kassasiya şikayəti veriləcəyini bildirdi.
Xatırladaq ki, telejurnalist İlhamiyyə Rzayevanın “Space” Teleradio Şirkətinə qarşı “Şəxsi həyata müdaxilənin qanunsuz sayılması” iddiasına əsasən 02 dekabr 2009-cu il tarixində Yasamal rayon Məhkəməsinə müraciət edib. Yasamal rayon Məhkəməsi 18 yanvar 2010-cu il tarixli qətnaməsində iddianın təmin edilməməyi barədə qərar verib. 4 iyin 2010-cu il tarixində Apellyasiya Məhkəməsi ilkin instansiya məhkəməsinin qərarının qüvvədə saxlanması barədə qərar verib. Ali Məhkəmə 3 dekabr 2010-cu ildə Bakı Apelyasiya Məhkəməsinin qətnaməsini ləğv edərək, işin təkrar apelyasiya baxışına qaytarılması barədə qərar çıxarmışdı.