JURNALİSTİN YAZDIĞI KİTAB SATIŞDAN YIĞIŞDIRILIR

fevral 24th, 2009
Müstəqil jurnalist Eldəniz Elgünün müəllifi olduğu  “On üç günlük 1001 gecə” adlı kitab satışdan yığışdırılır.

Bu barədə Reportyorların Azadlıq və Təhlükəsizlik İnstitutuna (RATİ) kitabın müəllifi məlumat verib. Kitabı çap olunduqdan sonra, satılması üçün metro stansiyalarındakı qəzet- kitab köşklərinə və Azərbaycan Milli Elmlər Akademiyasının (AMEA) kitab evinə verdiyini deyən E. Elgün bildirib ki, ona iki  kitab köşkündən və AMEA-dan belə bir kitabın satışa buraxılmasının mümkünsüzlüyünü deyiblər. Bunu isə kitabın məzmunu ilə əlaqələndiriblər. Belə ki, əsər azərbaycanlı  gəncin erməni qızı ilə yaşadığı sevgi münasibətindən bəhs edir.
E. Elgün müəllifi olduğu “On üç günlük 1001 gecə” əsrində yalnız insani münasibətlərin, insani hiss və duyğularının öz əksini tapdığını bildirib.