SOSİAL TƏLƏBLƏ KEÇİRİLƏN AKSİYADA JURNALİSTLƏR TƏZYİQLƏ ÜZLƏŞİB

dekabr 22nd, 2010
Dekabrın 22-də  “Mur-Ay” Məhtud Məsuliyyətli Cəmiyyət tərəfindən aldadılaraq zərərçəkmiş bir qrup şəxsin Prezident Administrasiyası önündə keçirdiyi etiraz aksiyası zamanı jurnalistlər təzyiqlə üzləşiblər.

Belə ki,  Prezident Administrasiyasının mühafizə xidməti “Turan” İnformasiya Agentliyinin əməkdaşları Rasim Əliyevin, Mehman Hüseynovun, Reportyorların Azadlıq və Təhlükəsizlik İnstitutunun əməkdaşı Əbülfət Namazovun, “Azadlıq” qəzetinin əməkdaşı Ramin Dekonun və “Yeni Müsavat”  qəzetinin əməkdaşı Elmin Bədəlovun vəsiqələri alınıb. Habelə Rasim Əliyev  Prezident Administrasiyası binasinin mühafizə otağına aparılıb və onun  apardığı video çəkilişə baxış keçirilib. Daha sonra isə jurnalistlərin vəsiqələri özlərinə qaytarılıb və onlardan Prezident Administrasiyası binasını çəkməmələri tələb edilib.