Mayın 17-də “Turan” İnformasiya Agentliyinin müxbiri Pərvanə Bayramova, “Azadlıq” qəzetinin müxbiri Natiq Ədilov, Reportyorların Azadlıq və Təhlükəsizlik İnstitutunun əməkdaşı Fərqanə Novruzova və “Azadlıq” radiosunun əməkdaşı Esmira Cavadova Daxili İşlər Nazirliyinin Daxili Təhqiqatlar İdarəsində izahat veriblər.
Jurnalistlər mayın 4-də AXCP Gənclər Təşkilatının üzvü Cabbar Savalanlının məhkəməsindən sonra keçirilən aksiyanı işıqlandırarkən polis və mülkigeyimli şəxslərin təzyiqinə məruz qalıblar.
Nazirliyə dəvət olunan jurnalistlərdən izahat alınıb.
Daxili Təhqiqatlar İdarəsinin rəisi Möhübbət Hüseynov bildirib ki, araşdırma aparılacaq və jurnalistlərə təzyiq etmiş polis əməkdaşları barədə tədbir görüləcək.
Xatırladaq ki, jurnalistlərə təzyiqlə bağlı DİN-ə RATİ tərəfindən rəsmi qaydada müraciət edilmişdi.