Söz Azadlığının və Jurnalistlərin Müdafiəsinə Yardım Fondunun İdarə Heyətinin martın 17-də keçirilən iclasında “Azadlıq” qəzetinin dünən həbsdən azad olunmuş baş redaktoru Qənimət Zahidə (Zahidova) , hazırda həbsdə olan “Gündəlik Azərbaycan” və “Realnıy Azerbaydjan” qəzetlərinin baş redaktoru Eynulla Fətullayevin, gənc bloqçular Adnan Hacızadə və Emin Millinin (Abdullayev) ailələrinə Novruz bayramı münasibətilə 250 AZN məbləğində maliyyə yardımı edilməsi barədə qərar qəbul edilib.
Bu barədə “Turan” informasiya agentliyi məlumat yayıb.
Qeyd edək ki, fondun təsisçiləri “Yeni Nəsil” jurnalistlər birliyi, Azərbaycan Jurnalistlər Birliyi, Nəcəf Nəcəfov Fondu və Azərbaycan Demokratik Jurnalistlər Liqasıdır. Fond Açıq Cəmiyyət İnstitutu Yardım Fondunun maliyyə dəstəyi ilə fəaliyyət göstərir.
Qeyd edək ki, fondun təsisçiləri “Yeni Nəsil” jurnalistlər birliyi, Azərbaycan Jurnalistlər Birliyi, Nəcəf Nəcəfov Fondu və Azərbaycan Demokratik Jurnalistlər Liqasıdır. Fond Açıq Cəmiyyət İnstitutu Yardım Fondunun maliyyə dəstəyi ilə fəaliyyət göstərir.