Həftənin əvvəlindən başlayaraq “Rəqəmsal İnkişaf” İctimai Birliyinin “Vətəndaş Cəmiyyətinin İKT bacarıqlarının artırılması” layihəsi üzrə vətəndaş cəmiyyəti nümayəndələri üçün RATİ-nin ofisində treninqlər keçirilib.
Layihə Açıq Cəmiyyət İnstitutu Yardım Fondu (Soros Fondu) tərəfindən maliyyələşdirilir. Vətəndaş cəmiyyəti təmsilçiləri və yerli təşkilat nümayəndələrinin iştirak etdiyi treninqlərdə informasiya kommunikasiya texnologiyalarından istifadə, veb-səhifələrin yaradılması kimi vərdişlər aşılanıb. Layihə çərçivəsində yaradılan veb-səhifələrin təqdimatına həsr olunacaq tədbirin keçirilməsi də planlaşdırılır. İctimai Birliyin icraçı-direktoru Ağayeva Könül təmsil etdiyi təşkilatın İKT sahəsində ixtisaslaşdığını və bundan sonra da bu istiqamətdə layihələr həyata keçirmək istədiklərini bildirib.