Bu gün Binəqədi rayon Xocasən qəsəbəsi və qəsəbənin Sulutəpə yaşayış massivində Azərbaycan Respublikası Dövlət Neft Şirkətinin xüsusi təyinatlı qüvvələri, ağır texnika vasitəsilə fərdi yaşayış evlərini sökməyə başlayıblar.
Belə ki, evlərin sökülməsinə etiraz edən əhali ilə ARDNŞ xüsusi təyinatlıları arasında ayrı-ayrı məhəllələrdə toqquşmalar baş verdi. Çoxsaylı yerli sakin ağır travma aldı, habelə ARDNŞ əməkdaşları hadisə yerindən reportaj hazırlayan “Ayna”-“Zerkalo” qəzetlərinin, o cümlədən RATİ-nin əməkdaşı İdrak Abbasova da fiziki təzyiq göstəriblər, onu ölümlə hədələyiblər və ağır ifadələrlə təhqir ediblər. Habelə ARDNŞ əməkdaşları jurnalistə məxsus avtomobili də əziblər. Habelə mülki geyimli bir şəxs “Azadlıq” qəzetinin əməkdaşı Esmira Cavadovanın əlindən videokameranı alaraq qaçıb. Amma yerli sakinlər həmin şəxsi təqib edərək kameranı geri almağa müvəffəq olublar.
Yerli əhalinin sözlərinə görə, onlara evlərinin söküləcəyi barədə hər hansı xəbərdarlıq edilməyib. Sadəcə hərbi geyimli, rezin dəyənəkli xüsusi təyinatlılar evlərin ya pəncərə, ya da qapılarını qıraraq içəri daxil olur. Sakinləri döyərək evdən çıxardıqdan sonra evləri əşyalarının üstünə uçururlar. Habelə ARDNŞ əməkdaşları xeyli yeni tikilən ev də söküblər.
Ərazidə söküntü işlərini aparan ARDNŞ nümayəndələri, “dövlət tədbirini həyata keçiririk deməklə kifayətləniblər.
Eyni zamanda ərazidə çoxsaylı polis əməkdaşları da olub. Praktik olaraq polis əməkdaşları hadisələri kənardan müşahidə edib və ya neft şirkəti əməkdaşları ilə əhali arasında münaqişələrin qarşısını almağa cəhd edirdilər.
Belə ki, evlərin sökülməsinə etiraz edən əhali ilə ARDNŞ xüsusi təyinatlıları arasında ayrı-ayrı məhəllələrdə toqquşmalar baş verdi. Çoxsaylı yerli sakin ağır travma aldı, habelə ARDNŞ əməkdaşları hadisə yerindən reportaj hazırlayan “Ayna”-“Zerkalo” qəzetlərinin, o cümlədən RATİ-nin əməkdaşı İdrak Abbasova da fiziki təzyiq göstəriblər, onu ölümlə hədələyiblər və ağır ifadələrlə təhqir ediblər. Habelə ARDNŞ əməkdaşları jurnalistə məxsus avtomobili də əziblər.