Bu gün (13 iyun) Binəqədi rayon Məhkəməsində hakim Allahverən Həsənovun sədrliyi ilə Fətəliyev Əsir Bəsir oğlunun 27 saylı dövlət notariat kontorunun dövlət notariusuna qarşı „notariusun qanunusuz əməlinə görə şikayətçiyə dəymiş maddi ziyanın ödənilməsi" iddiası əsasinda keçirilən açıq məhkəmə prosesində müşahidəçi qismində iştirak edən Azərbaycan Hüquqçular Assosiyasiyasının nümayəndəsi Günel Hacıbəyli əsasız olaraq zaldan çixarılib.
Günel Hacıbəylinin sözlərinə görə, hakimin göstərişindən sonra o, zalı tərk edib. Amma sonra katib onu çağıraraq hakimin onu görmək istədiyini bildirib. „Geri qayıdanda hakim mənə dedi ki, „siz özünüzü təqdim etməlidiniz və ona görə də sizi zaldan çıxartdım. Sonra vəsiqəmi məndən alaraq üzünü çıxartmaq üçün katibə verdi . Daha sonra məndən bu gün üçün təyin olunmuş digər proseslərdə də qalmağımı istədi. Mənə təmsil olunduğum təşkilatdan başqa tapşırığım verildiyini deyəndə isə o, cavab bildirdi ki, „niyə o biri peroseslərdə oturmursunuz, çünki bu prosesə sifarişlə gəlmisiniz". Bütün bu olanlardan sonra katib vəsiqəmi gətirdi. Mən otaqdan çıxan zaman isə hakim mənə „bundan sonra proseslərə gəlmə" əmrini verdi", – deyə Günel Hacıbəyli qeyd etdi.