“Azadlıq” qəzetinin baş redaktoru Qənimət Zahidi qurama ittihamlar əsasında 4 il müddətinə azadlıqdan məhrum etmiş Yasamal Rayon Məhkəməsinin hakimi Südabə Məmmədovanın hakimlik səlahiyyətlərinə vaxtından əvvəl xitam verilib. Bu qərar Məhkəmə Hüquq Şurasının fevralın 4-də keçirilmiş iclasında qəbul olunub.
S.Məmmədovanın hakimlik səlahiyyətlərinə xitam verilməsinə səbəb kimi ciddi nöqsan və kobud qanun pozuntularına yol verdiyi göstərilir. Keçirilən iclasda S.Məmmədova ilə yanaşı Binəqədi Rayon Məhkəməsinin hakimi Rəsmiyyə Qəhrəmanovanın və Sabunçu Rayon Məhkəməsinin hakimi Yusif Kərimovun da hakimlik fəaliyyətinə xitam verilməsi, eləcə də Binəqədi Rayon Məhkəməsinin hakimi Svetlana İsmayılovanın və Yasamal Rayon Məhkəməsinin hakimi Svetlana Əhmədovanın intizam qaydasında iş yerlərinin dəyişdirilməsi barədə qərar qəbul edilib.
Xatırladaq ki, beynəlxalq təşkilatlar tərəfindən Vicdan Məhbusu kimi tanınan Qənimət Zahid (Zahidov) 2007-ci ilin noyabr ayında həbs olunub. CM- nin 127.2.3 (xuliqanlıq niyyəti ilə qəsdən sağlamlığa az zərər vurma) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilib.
Qeyd edək ki, “Azadlıq” qəzeti 1989-cu ildən çıxır və gündəlik qəzet kimi fəaliyyət göstərir.
Xatırladaq ki, beynəlxalq təşkilatlar tərəfindən Vicdan Məhbusu kimi tanınan Qənimət Zahid (Zahidov) 2007-ci ilin noyabr ayında həbs olunub. CM- nin 127.2.3 (xuliqanlıq niyyəti ilə qəsdən sağlamlığa az zərər vurma) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilib.
Qeyd edək ki, “Azadlıq” qəzeti 1989-cu ildən çıxır və gündəlik qəzet kimi fəaliyyət göstərir.