“Xalq” qəzeti 20 fevral tarixli sayında “Respublikaçı” təşviqat qrupunun referendumla bağlı təşviqat materialını təhrif edib, materialın başlığını dəyişərək qəzetdə dərc etdiyindən təşviqat qurupu MSK-ya şikayətlə müraciət etmişdi.
Bu məsələ ilə bağlı MSK-nın əməkdaşı Azər Sarıyev RATİ-yə bildirib: “Şikayətlə bağlı qəzetdən qanuna uyğun bildiriş verilməsi tələb olunub. Bu barədə qərar komissiyanın fevralın 24-də keçirilən iclasında bildirilib. Qəzet 25 fevral tarixli buraxılışında bildiriş verib”. Qəzetin 25 fevral tarixli sayında təkzib verildiyi bildirilsə də həmin tarixdə yalnız MSK-nın keçirdiyi iclas barədə məlumat verilib.
Özünü təqdim etməyən, lakin “Xalq qəzeti”nin məsul işçisi olduğunu söyləyən şəxsin sözlərinə görə “başlığın yanlış verilməsi texniki səbəblərdən baş verib. MSK-nın qərarından sonra qəzetdə təkzib dərc olunub”.
”Seçki məcəlləsində təşviqat materiallarının yerləşdirilməsi barədə qanuna görə yanlış verilmiş material yenidən düzgün formada pulsuz dərc olunmalıdır” bunu hüquqşünas Ələsgər Məmmədli RATİ-yə verdiyi məlumatda bildirib.
Xatırladaq ki,“Respublikaçı” təşviqat qrupunun “18 mart referendumu qeyri-qanuni olduğu üçün ləğv edilməlidir” başlıqlı məqaləsi “Respublikaçı” təşviqat qrupu 18 mart referendumunun hüquqi aspektləri barədə” sərlövhəsi ilə dəyişdirilib.
Xatırladaq ki,“Respublikaçı” təşviqat qrupunun “18 mart referendumu qeyri-qanuni olduğu üçün ləğv edilməlidir” başlıqlı məqaləsi “Respublikaçı” təşviqat qrupu 18 mart referendumunun hüquqi aspektləri barədə” sərlövhəsi ilə dəyişdirilib.