“Xural” qəzetinin baş redaktoru Əvəz Zeynallı Prezident Administrasiyasının rəhbəri, akademik Ramiz Mehdiyevin “Xural” qəzetinə qarşı iddiası üzrə Nərimanov Rayon Məhkəməsində çıxarılmış qərardan apellyasiya şikayəti verib.
Xəbəri Reportyorların Azadlıq və Təhlükəsizlik İnstitutuna (RATİ) bu gün (06 avqust) Əvəz Zeynallının özü verib.
Xatırladaq ki, Ramiz Mehdiyevin “Xural” qəzetinin 23 may 2010-cu il tarixli buraxılışında “Ramiz Mehdiyevin Bəxtiyar Vahabzadəni bitirmə planı!!! Prezident Administrasiyasının rəhbəri nədən Şəki camaatını və icra başçısını cəzalandırmalı oldu?” başlıqlı məqalədə yazılanların təkzib edilməsi, üzr istənilməsi və mənəvi zərərə görə 10.000 (on min) manat pul tutularaq, Binə qəsəbəsində yerləşən ”Ümid yeri ” Uşaq Evinə köçürülməsi barədə qaldırdığı iddia iyulun 2-də tam təmin olunub.
Qeyd edək ki, Xural” qəzeti 2002-ci ilin oktyabr ayında fəaliyyətə başlayıb və həftəlik dərc olunur.