İyulun 6-da Ukraynanın paytaxtı Kiyev şəhərində bu ölkənin Media Hüququ İnstitutu tərəfindən "İnternetdə söz azadlığı və senzura" adlı beynəlxalq konfrans kecirilib.
Konfransda Ukrayna, Rusiya, Azərbaycan, Qırgızıstan, Qazaxıstan və Tacikistanda internetin vəziyyəti ilə bağlı məruzələr dinlənilib və müzakirələr aparılıb. Ukraynadan olan vətəndaş cəmiyyəti nümayəndələri internetdə özünütənzimləmə institutunun formalaşmasının əhəmiyyəti barədə danışıblar.
Konfransda iştirak edən RATİ-nin və İnsan Hüquqları Klubunun nümayəndəsi Rəsul Cəfərov məruzəsində Azərbaycanda internet qiymətlərinin yüksək olduğunu, “zəruri olan hallarda” tənqidi saytların bloklaşdırıldığını, bloggerlərə və sosial şəbəkələrdə aktiv olan gənclərə qarşı təxribatların törədildiyini və onların həbs edildiyini vurğulayıb. R.Cəfərov öz çıxışında gənc fəallar – Cabbar Savalanlı və Bəxtiyar Hacıyevin də məhz internetdəkli fəallıqlarına görə qondarma ittihamlarla həbs edildiklərini vurğulayib. Eyni zamanda o internetlə bağlı mövcud olan digər problemlərin də müzakirəsində iştirak edib.
Qeyd edək ki, “İnternews” və Mediaya Beynəlxalq Dəstək (IMS) təşkilatları konfransın keçirilməsinə dəstək veriblər.