“Korrupsiya və Cəmiyyət” jurnalının baş redaktoru Məmməd Əhmədoğlu Mətbuat Şurasına və qurumun sədr müavini Vüqar Rəhimzadəyə qarşı qaldırdığı iddanın təmin edilməməsi ilə bağlı Binəqədi rayon məhkəməsinin çıxardığı qərardan Apellyasiya şikayəti verib. Bu barədə Reportyorların Azadlıq və Təhlükəsizlik İnstitutuna (RATİ) baş redaktorun özü məlumat verib.
Xatırladaq ki, MŞ bir müddət əvvəl “reket” qəzetlərin siyahısını açıqlayarkən, “Korrupsiya və Cəmiyyət” jurnalını da bu siyahıya daxil etdiyi üçün M.Əhmədoğlu Binəqədi rayon Məhkəməsinə müraciət edərək, MŞ-nin təkzib verərək üzr istəməsini və dəymiş mənəvi ziyana görə cavabdehlərin hər birinin 4.000 (dörd min) manat ödəməsini istəmişdi. 30 iyun 2009-cu ildə Binəqədi rayon məhkəməsinin hakimi Allahverən Həsənov iddianın təmin edilməməsi ilə bağlı qərar çıxarmışdı.