Bu gün (27 iyul) Səbail rayon Məhkəməsində hakim Nurəddin Bağırovun sədrliyi ilə “Azadlıq” radiosunun əməkdaşı Xədicə İsmayılovanın Bakı şəhər Prokurorluğuna qarşı iddiası təmin edilməyib.
Bu barədə bu gün Reportyorların Azadlıq və Təhlükəsizlik İnstitutuna (RATİ) jurnalistin vəkili Fariz Namazlı məlumat verib.
Vəkil qeyd edib ki, məhkəmənin qərarından apellyasiya şikayəti veriləcək.
Qeyd edək ki, İsmayılova Prokurorluğu şəxsi həyatına müdaxilə ilə və istintaqın gedişindən narazılıqla bağlı məhkəməyə verib.
Xatırladaq ki, martın 7-də “Azadlıq” radiosunun əməkdaşı Xədicə İsmayılovanın ev ünvanına təhdid və şantaj xarakterli məktub gəlib. Məktubda intim xarakterli şəkillər və hədələr yer alıb. Martın 13-də hakim Yeni Azərbaycan Partiyasının rəsmi orqanı olan eyni adlı “Yeni Azərbaycan” qəzetində isə “Xədicə İsmayılova göründüyü və olduğu kimi” başlıqlı altında qarayaxma xarakterli geniş yazı dərc olundu, bir gün sonla isə anonim sayt vasitəsilə jurnalistlə bağlı pornogörüntü yayıldı. Jurnalistin Baş Prokurorluq və Daxili İşlər Nazirliyinə etdiyi müraciətdən sonra martın 15-də Baş Prokurorluq onun şəxsi həyatına müdaxilə ilə bağlı cinayət işi qaldırıb. CM-nin 156-cı maddəsi (şəxsi həyatın toxunulmazlığı hüququnun pozulması) üzrə qaldırılan cinayət işinin istintaqı Bakı şəhər Prokurorluğuna həvalə edilib. Bakı şəhər prokurorluğunun siyasi xarakterli bəyanatı isə aprelin 26-da X. İsmayılovanın iştirakı ilə ona qarşı aparılan qara PR kampaniyası ilə bağlı jurnalist təhqiqat qrupunun hesabatının açıqlanmasından sonra verilib.
Vəkil qeyd edib ki, məhkəmənin qərarından apellyasiya şikayəti veriləcək.
Qeyd edək ki, İsmayılova Prokurorluğu şəxsi həyatına müdaxilə ilə və istintaqın gedişindən narazılıqla bağlı məhkəməyə verib.
Xatırladaq ki, martın 7-də “Azadlıq” radiosunun əməkdaşı Xədicə İsmayılovanın ev ünvanına təhdid və şantaj xarakterli məktub gəlib. Məktubda intim xarakterli şəkillər və hədələr yer alıb. Martın 13-də hakim Yeni Azərbaycan Partiyasının rəsmi orqanı olan eyni adlı “Yeni Azərbaycan” qəzetində isə “Xədicə İsmayılova göründüyü və olduğu kimi” başlıqlı altında qarayaxma xarakterli geniş yazı dərc olundu, bir gün sonla isə anonim sayt vasitəsilə jurnalistlə bağlı pornogörüntü yayıldı. Jurnalistin Baş Prokurorluq və Daxili İşlər Nazirliyinə etdiyi müraciətdən sonra martın 15-də Baş Prokurorluq onun şəxsi həyatına müdaxilə ilə bağlı cinayət işi qaldırıb. CM-nin 156-cı maddəsi (şəxsi həyatın toxunulmazlığı hüququnun pozulması) üzrə qaldırılan cinayət işinin istintaqı Bakı şəhər Prokurorluğuna həvalə edilib. Bakı şəhər prokurorluğunun siyasi xarakterli bəyanatı isə aprelin 26-da X. İsmayılovanın iştirakı ilə ona qarşı aparılan qara PR kampaniyası ilə bağlı jurnalist təhqiqat qrupunun hesabatının açıqlanmasından sonra verilib.