“Xəzər” TV-ni şərəf və ləyaqətini ləkələməkdə ittiham edən vətəndaş Zəkiyyə Həziyeva bu telekanalı məhkəməyə verib.
Bu məlumatı Həziyeva özü Lent.az saytına bildirib. Dünən (16 iyul) iddia ərizəsini Nərimanov Rayon Məhkəməsinə təqdim etdiyini deyən Həziyeva məhkəməyə müraciət etməyinə telekanalda onun barəsində Gəncə Şəhər Polis İdarəsinin əməkdaşları tərəfindən işgəncələrə məruz qalması ilə bağlı təhrif olunmuş məlumatların yayılmasının səbəb olduğunu deyib. O telekanaldan 50000 AZN təzminat tələb edir.