Prosesdə iddiaçının vəkili Fariz Namazlı və cavabdeh tərəfdən Suraxanı rayon Prokurorunun böyük köməkçisi İbrahim İsmayılov iştirak ediblər.
İddiaçının vəkili F.Namazlı 7 noyabr 2010-cu il tarixində hüquqlarını müdafiə etdiyi şəxsin azadlıq hüququnun məhdudlaşdırıldığını, polislərin hərəkətinin qanunsuz olduğunu və prokurorluğun işi lazımınca araşdırmadığını məhkəmədə bildirib.
Qarşı tərəfin nümayəndəsi İ. İsmayılov iddiaçının etirazının əsassız olmasını ifadə edib.
Hakim S. Məmmədov müşavirədən sonra iddianın təmin edilməsi barədə qərarını elan edib.
Xatırladaq ki, 7 noyabr 2010-cu il tarixində Suraxanı rayon 2-ci seçki dairəsinin 16 saylı məntəqəsində müşahidəçi olmuş Nizami Cəfərov özlərini Suraxanı rayon Polis İdarəsinin əməkdaşları kimi təqdim edən şəxslər tərəfindən qanunsuz olaraq, 6 saat müddətində saxlanılıb. Polislərin hərəkəti barədə Suraxanı rayon Prokurorluğuna müraciət edilib. Suraxanı rayon Prokurorluğu 18 fevral 2011-ci ildə şikayəti təmin etmədiyindən N. Cəfərov bu qərardan məhkəməyə iddia ərizəsi ilə müraciət edib.