QHT RƏSMİLƏRİ VƏ EYNULLA FƏTULLAYEVİN PENİTENSİAR XİDMƏTİNƏ QARŞI İDDİASI ÜZRƏ MƏHKƏMƏ PROSESİ TƏXİ

Bu gün (18 aprel) 1 saylı Bakı İnzibati – İqtisadi  Məhkəməsində hakim Fəqan Əhmədovun sədrliyi ilə Hüquq Maarifçiliyi Cəmiyyətinin, Media Hüququ İnstitutunun, Azərbaycan Hüquqçular Assosiasiyasının, Demokratiya və İnsan Hüquqları Resurs Mərkəzinin, Tender Monitorinq Mərkəzinin, Adnan Hacızadənin, habelə “Gündəlik Azərbaycan” və “Realnıy Azerbaydjan” qəzetlərinin həbsdə olan baş redaktoru, məhbus jurnalist  Eynulla Fətullayevin Ədliyyə Nazirliyinə və həmin Nazirliyin Penitensiar Xidmətinə qarşı qaldırdıqları şikayətə əsasən keçirilməli olan məhkəmə prosesi baş tutmadı.

Belə ki, yuxarıda adı çəkilən QHT rəhbərləri və media nümayəndələri  saat 11:00-da keçirilməli olan məhkəmə prosesinə gəlsələr də, saat 12:25-də hakim Fəqan Əhmədovun katibi hakimin sağlamlığında müəyyən problemlərin olması səbəbindən prosesi qeyri-müəyyən vaxta təxirə saldığını bildirdi.
Qeyd edək ki, yuxarıda adları çəkilən qurumların rəhbərləri jurnalist E.Fətullayev və o zaman həbsdə olan  bloqqerlər A.Hacızadə və E.Abdullayevlə görüşmək məqsədilə 2010-cu ilin avqust ayında Ədliyyə Nazirliyinə müraciət ediblər. Nazirlik onlara cavab verməkdən imtina edib. Daha sonra Ədliyyə Nazirliyinin Xidmətinə və Penitensiar Sistemə Nəzarət İctimai Komitəsinə müraciət olunsa da, həmin qurumlar məhbuslarla görüşə icazə vermək səlahiyyətinin digərinə məxsus olduğunu əsas gətirərək məsuliyyəti biri-birinin üzərinə atıblar.

Xatırladaq ki,   Eynulla Fətullayev 2007-ci ildə terrorla hədələmə və digər ittihamlarla 8 il 6 ay müddətinə azadlıqdan məhrumetmə cəzasına məhkum edilib. Lakin Avropa İnsan Hüquqları Məhkəməsi isə 2010-cu il aprelin 22-də yuxarıda qeyd edilən cinayət işləri ilə bağlı qərar qəbul etmişdi. Qərarda bildirilir ki, jurnalist dərhal azadlığa buraxılmalı və Azərbaycan dövləti ona 27 min 822  avro məbləğində təzminat ödəməlidir.  Ali Məhkəmənin Plenumu isə bu qərarı qismən təmin edib.

Habelə   Eynulla Fətullayev 2007-ci ildə terrorla hədələmə və digər ittihamlarla 8 il 6 ay müddətinə azadlıqdan məhrumetmə cəzasına məhkum edilib. Lakin Avropa İnsan Hüquqları Məhkəməsi isə 2010-cu il aprelin 22-də yuxarıda qeyd edilən cinayət işləri ilə bağlı qərar qəbul etmişdi. Qərarda bildirilir ki, jurnalist dərhal azadlığa buraxılmalı və Azərbaycan dövləti ona 27 min 822  avro məbləğində təzminat ödəməlidir.  Ali Məhkəmənin Plenumu isə bu qərarı qismən təmin edib.