Dünən (30 noyabr) Ayəndə Mürsəliyeva həyat yoldaşı, 17 saylı cəzaçəkmə müəssisəsində həbsdə olan “Azadlıq” qəzetinin baş redaktoru Qənimət Zahidlə (Zahidov) görüşüb. Bu barədə məlumatı Reportyorların Azadlıq və Təhlükəsizlik İnstitutuna ( RATİ ) Ayəndə Mürsəliyevanın özü verib.
A.Mürsəliyeva bildirib ki, Q.Zahidin saxlanma şəraitindən heç bir şikayəti olmasa da, səhhətində yaranmış problemlərdən əziyyət çəkir. Onun sözlərinə görə, baş redaktor revmatizm ağrılarının kəskinləşməsi nəticəsində əsa ilə gəzmək məcburiyyətindədir. O həmçinin bildirib ki, bir müddət əvvəl Q. Zahidin vəkili Əlaif Həsənov onun revmatizm və ürək ağrılarının güclənməsi ilə bağlı Penitensiar Xidmətə müraciət edərək, müalicə müəssisəsinə köçürülməsi və rəhbəri olduğu “Azadlıq” qəzetindən bir nəfərin mütəmadi olaraq baş redaktorla əlaqə saxlaması barədə xahiş edib
Xatırladaq ki, Qənimət Zahid ( Zahidov) CM- nin 127.2.3 ( xuliqanlıq niyyəti ilə qəsdən sağlamlığa az zərər vurma ) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilib.
Xatırladaq ki, Qənimət Zahid ( Zahidov) CM- nin 127.2.3 ( xuliqanlıq niyyəti ilə qəsdən sağlamlığa az zərər vurma ) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilib.
Qeyd edək ki, “Azadlıq” qəzeti 1989-cu ildən çıxır və gündəlik qəzet kimi fəaliyyət göstərir.